Xavier Castro. Xornadas Cine e Viño (VIGO). 3 Sesión: Lisboa e Pessoa. Adega Ramón do Casar

Xornadas de Cinema, Viño e Cultura (VIGO)

3ª Sesión: LISBOA, a ville blanche. FERNANDO PESSOA. FILME: sostiene pereira

 VITRUVIA CAFÉ

UN ÁMBITO PARA A CULTURA E O GOCE DO VIÑO
Condutor da Sesión: Xavier Castro

Lugar: VITRUVIA CAFÉ (Praza de Compostela, 5. Vigo)

Data: Mércores, 22 de Xuño, de 20’30 a 22’30 horas.

Adega: RAMÓN DO CASAR (D.O. Ribeiro)

(Intervirán o adegueiro: Javier González e o enólogo Pablo Estévez)

PRESENTACIÓN

 Ponse de manifesto neste evento o elevado poder de evocación que ten un bo viño, posto que como apuntaba certeiramente Álvaro Cunqueiro, non se bebe para olvidar -como adoita rezar o tópico da desventura- senón para recordar. E haberá que lembrar a invocación de Borges expresada nun soneto consagrado ao viño: “Vino, enséñame el arte de ver mi propia historia / como si ésta ya fuera ceniza en la memoria”.

Deste xeito, na 3ª sesión das Xornadas de Cinema, Viño e Cultura, adentrarémonos no ambiente cultural da cidade de Lisboa, por cuxas rúas deambulaba Fernando Pessoa, como un dandi con aires de flâner baudelairiano recalando nos cafés da Baixa e o Chiado (en cuxos locais estivo tan presente a emigración galega), como A Brazileira, nunha época de desasosego como foi a primeira metade do século XX. Sentirémonos, sen dúbida, animados pola cálida compaña de Marcello Mastroianni no filme Sostiene Pereira (dirixida por Roberto Faenza, no ano 1996), cun guión baseado na novela dun grande amador de Lisboa: Antonio Tabucci. Seguiremos, así, o itinerario lisboeta marcado por Alain Tanner no filme Dans la Ville Blanche (1983) e non sería de estrañar que bateramos con algún dos heterónimos pessoanos convertido en personaxe, como lle aconteceu a Saramago con Ricardo Reis.

O fado de Amália Rodrigues e senlleiras cancións portuguesas, como a que marcou a revolución dos cravos, Grândola, Vila Morena, de José (Zeca) Afonso, proporcionarannos a atmosfera emotiva na que rebuliron nos anos trinta, o galeguista Ramón Martínez López, o polígrafo Gómez de la Serna, o xornalista Julio Camba e, tras do estalido da guerra civil, o filósofo José Ortega y Gasset.

Evocaremos as tabernas emprazadas nos cais da desembocadura do Tejo, onde se falou nun tempo de Teixeira de Pascoaes e a filosofía do saudosismo portugués, divulgada polo grupo Renascença na publicación bimensual A Águia, que Vicente Risco tivo por irmá da revista Nós. Os ecos desta teoría suscitaron o interese dun sector da intelectualidade galega, no que velaban armas Celestino Fernández de la Vega e Ramón Piñeiro, resoltos a indagar na esencia da identidade galega, expresada quer nun humor peculiar, ou quer nunha saudade característica, consideradas ámbalas dúas temáticas dende un prisma heideggeriano.

Deste xeito, os comentarios do condutor da sesión, Xavier Castro, darán conta dos gustos predominantes en materia de viños e outras bebidas e das claves esenciais dos devanditos creadores. Como contrapunto, escoitaranse en boa hora as achegas do adegueiro ao fronte de Ramón do Casar (O Ribeiro) Javier González e tamén do enólogo Pablo Estévez, que presentarán os viños que se cataran nesta ocasión, xa que o asisado neste evento é mollar cumpridamente a palabra. A devandita adega do Ribeiro foi merecedora de importantes recoñecementos pola calidade dos seus viños e representa a plasmación do soño dun emigrante en América. Presentará os seus dous viños senlleiros: Ramón do Casar, un branco que incorpora tres variedades nobres: treixadura, godello e albariño, e Ramón do Casar Treixadura que xa revela na súa denominación a videira patricia da que procede o seu mosto.

Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse excelentes gastropetiscos aos que da dereito a inscrición que se efectuará na propio Café Vitruvia. (Prezo: 12 euros)

LUGAR DE REALIZACIÓN

Vitruvia Café (Praza de Compostela, 5. Vigo)

DATA:

22 de Xuño, Mércores.

HORARIO

20’30 a 22’30 horas.

PREZO:

-12 euros (con dereito a varios viños e gastropetiscos).

-Pódese adquirir a entrada en Vitruvia Café (Praza de Compostela, 5. Vigo) preferentemente nos días previos, ou ben media hora antes da celebración da sesión. Recoméndase efectuar reserva: info@vitruviacafe.com / 680 203 587.

Para máis Información:

info@vitruviacafe.com / 680 203 587

Xavier Castro: Especialista na historia do viño e Premio Picadillo do Fórum Gastronómico 2015. Libros do autor: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

E-mail: f.x.cp@hotmail.com / Móbil: 609 653 228 

X. Castro: Xornadas de Cinema, Viño e Cultura.1ª Sesión: Bos Aires de Borges, Seoane, Castelao e Gardel. Filme: Fronteira Sur

Xornadas de Cinema, Viño e Cultura

1ª Sesión: Bos Aires de Borges, Seoane, Castelao e Gardel. Filme: Fronteira Sur

VIDE, VIDE!

UN ESPAZO ENOCULTURAL PARA O GOCE DO VIÑO
  

Condutor da Sesión: Xavier Castro

Lugar: Espazo enocultural Vide, Vide! (Rúa Fonte de Santo Domingo, nº 10. Baixo)

Data: Mércores, 20 de Abril, de 20’30 a 22’30 horas.

ADEGA: Terra de Asorei (O Salnés. D.O. Rías Baixas) 

PRESENTACIÓN

Na primeira sesión das Xornadas sobre Cinema, Viño e Cultura tentarase de  subliñar o elevado poder de evocación que ten un bo viño, posto que como apuntaba certeiramente Álvaro Cunqueiro, non se bebe para olvidar -como adoita rezar o tópico da desventura- senón para recordar. Para entregarse as lembranzas da propia vida, como facía o protagonista da novela Señas de identidade, de Juan Goytisolo, valéndose para tal mester dunha copa de albariño, ou ben para remontarse a épocas históricas pretéritas. Idéntico criterio sostiña o detective e refinado gourmet, Pepe Carbalho (inesquecible sosias de Vázquez Montalbán) para quen o razoable e cabal é beber para recordar e comer para olvidar. E haberá que lembrar a invocación de Borges expresada nun soneto consagrado ao viño: “Vino, enséñame el arte de ver mi propia historia / como si ésta ya fuera ceniza en la memoria.

Os comentarios do condutor da sesión, Xavier Castro, darán conta dos gustos predominantes en materia de viños e das claves esenciais dos creadores que se deron cita naquel Bos Aires da primeira metade do século XX, e haberanse de mesturar coas achegas do adegueiro de Terra de Asorei que presentará os excelentes viños que se terán de catar nesta ocasión, xa que o asisado neste evento é mollar cumpridamente a palabra. E, deste xeito, as glosas e achegas documentais iranse entreverando co goce destes reputados caldos, dotados de capacidade evocadora, combinado todo coa audición de pezas musicais arxentinas (ilustradas con vídeos) que contribuirán a perfilar a atmosfera e o ambiente cultural porteño naquela época. Teremos así a oportunidade de albiscar a proxección do mundo do viño nun filme de culto: Fronteira Sur (1998), dirixida por Fernando Herrera e interpretada por José Coronado, Maribel Verdú, Federico Luppi, Laura Novoa e Manuel Manquiña, que a rentes da novela testemuñal de Horacio Vázquez Rial relata a peripecia da emigración galega na cidade de Bos Aires. Nela, seguiremos os pasos, que non sempre se bifurcan, de Borges, Cortazar, Seoane, Castelao, Blanco Amor e Dieste, namentres entre grolo e grolo de viño as cancións de Gardel, Cafrune e Mercedes Sosa, compoñerán a banda sonora.

Poderemos apreciar nesta ocasión os gorentosos caldos da prestixiosa Adega Terra de Asorei, produto da comandita duns animosos colleiteiros da comarca do Salnés, pertencente á Denominación de Orixe Rías Baixas. A empresa está radicada en San Martiño de Meis, capital do Albariño, e ten como nota distintiva o feito de dispoñer de viñedos cunha idade media superior aos 20 anos. Presentara dous albariños propios, de influencia atlántica, merecentes ambos os dous de notables recoñecementos e galardóns internacionais: Nai e Señora e Terra de Asorei. O primeiro concíbese como unha homenaxe á terra que da orixe ao albariño e así mesmo como símbolo da muller galega, a “Naiciña” do escultor Asorei, non poucas veces “viúva de vivo”, por ter ao seu home na emigración en América, e por extensión a Galicia como a ”nai e señora” cantada polos poetas. Polo demais, teremos de catar tamén o albariño Terra de Asorei, un viño de selección e querenza artística, elaborado sobre lías.

            Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan artesán, queixo e friames galegos de calidade, que a todo isto da dereito a inscrición que se efectuará na propia vinoteca Vide, Vide. (Prezo: 12 euros)

LUGAR DE REALIZACIÓN:

Espazo enocultural Vide, Vide! (Rúa Fonte de Santo Domingo, nº 10. Baixo)

DATA:

-20 Abril, Mércores.

HORARIO: de 20’30 a 22’30 horas.

PREZO:

-12 euros (con dereito a varios viños e petiscos).

-Pódese adquirir a entrada no espazo enocultural Vide, Vide! (Rúa Fonte de Santo Domingo, nº 10) preferentemente nos días previos, ou ben media hora antes da celebración da sesión.

Para máis información e reservas:

Espazo Enocultural Vide, Vide! (E-mail: info@videvide.net / Teléfonos: 981 582 911 / 606 558 640 / 676 467 805)

  

           

Xavier Castro: Especialista na historia do viño e Premio Picadillo do Fórum Gastronómico 2015. Libros do autor: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

E-mail: f.x.cp@hotmail.com / Móbil: 609 653 228

Xornadas de Cinema, Viño e Cultura (SANTIAGO)

VIDE, VIDE!

UN ESPAZO ENOCULTURAL PARA O GOCE DO VIÑO

 

                                        PROGRAMA

Xornadas de Cinema, Viño e Cultura.

Un patchwork interdisciplinar entretecido con fíos que levan a cor de cinema, historia, música, literatura, cultura do viño e gastronomía, nun ambiente de interese polo saber, pracer e amenidade.

     As Xornadas de Cinema, Viño e Cultura terán lugar no Espazo enocultural Vide, Vide!,  nos días 20 de Abril, 3, 18 e 25 de Maio (ás 20’30 h.). Levarase a cabo nelas un achegamento á cultura do viño, cunha iniciación á cata (con referencia aos criterios básicos da cata técnica e máis tamén ós propios da cultura popular do viño) que ao propio tempo constitúa unha experiencia de apreciación e goce hedonista do viño.

     Os comentarios do condutor das Xornadas, o profesor Xavier Castro, farán referencia á temática que centre en particular o interese de cada unha das sesións, abordando cuestións relacionadas coa cultura do viño e a temática gastronómica vinculada con ela, e se intercalaran coas achegas de distinguidos adegueiros. Aléntase tamén a participación dos asistentes que disporán de momentos de vagar dedicados ao goce pracenteiro e ilustrado do viño, que, como é mester, servirase na compaña dalgúns petiscos de pan artesán, queixo, friames e outros produtos galegos de calidade. Haberá, así mesmo, interludios musicais nos que se escoitaran pezas alusivas á cultura do viño (visualizadas nunha pantalla dixital) e que garden algún tipo de vínculo coa cuestión que se aborda en cada sesión, tanto fragmentos de óperas ou obras clásicas, como tamén jazz e música galega tradicional. Faranse tamén recitacións de poemas e lecturas de textos en prosa e proxectaranse ademais fragmentos curtos de filmes e documentais culturais. E preténdese que toda esta actividade resulte amena e discorra nun ambiente de cordialidade.

A maior abundamento, caraterízanse estas Xornadas por teren unha orientación transversal que pretende inserir a cultura do viño naqueles espazos metropolitanos de referencia en etapas históricas particularmente remarcables, cos que nos fixeron soñar o cinema, a literatura, a música e máis a arte. En cada sesión degustaranse viños de excelente calidade elaborados por reputadas adegas galegas (... e ... e..), e poñerase de manifesto a proxección do mundo do viño en películas de culto: Fronteira Sur, que a rentes da novela testemuñal de Horacio Vázquez Rial relata a peripecia da emigración galega na cidade de Bos Aires, na que seguiremos os pasos, que non sempre se bifurcan, de Borges, Seoane, Castelao e Gardel, namentres entre grolo e grolo de viño as cancións de Gardel compoñen a banda sonora. Noutra sesión, faremos unha incursión na cidade de Nova Iork -e nomeadamente no Greenwhich Village- na axitada hora en que se deixou sentir o latexo da Xeración Beat. A proxección dalgúns pasaxes do filme On the Road axudarannos a respirar a particular atmosfera punteada polo jazz que impregnou a inqueda vagabundaxe de Ginsberg e Kerouac na procura do dharma. Polo demais, viaxaremos a Lisboa, a ville blanche de Fernando Pessoa, nunha época de desasosego, animados pola cálida compaña de Marcello Mastroianni en Sostiene Pereira. Ao cabo, a terceira tenida destas Xornadas, está dedicada a evocar o ambiente cultural de París na década de 1920. Como lle acontece ao protagonista da película de Woody Allen Midnight in Paris, adentrarémonos no pasado da cidade luz, considerada o epicentro das novas tendencias creativas. Achegarémonos así ao friso composto polos literatos e artistas de vangarda que viviron nesta cidade. Coñeceremos a súa procura de novos vieiros para a creación, que levaban a cabo entre discusións nas tertulias dos cafés emprazados nos bulevares (non faltaría quen se referise nalgunha delas á música de Cole Porter e as escandalosas farras celebradas no seu apartamento parisino) namentres tomaban copas de absenta, pastis ou de viño Burdeos. Entretanto, resoaban aquí tamén no ambiente os electrizantes acordes dos novidosos ritmos jazzísticos.

O protagonismo do viño nestas Xornadas ten tamén outra vertente. Trátase de subliñar o elevado poder de evocación que ten un bo viño, posto que como apuntaba certeiramente Álvaro Cunqueiro, non se bebe para olvidar -como adoita rezar o tópico da desventura- senón para recordar. Para entregarse as lembranzas da propia vida, como facía o protagonista da novela Señas de identidade, de Juan Goytisolo, valéndose para tal mester dunha copa de albariño, ou ben para remontarse a épocas históricas pretéritas. Idéntico criterio sostiña o detective e refinado gourmet, Pepe Carbalho (inesquecible sosias de Vázquez Montalbán) para quen o razoable e cabal é beber para recordar e comer para olvidar. E lembremos a invocación de Borges expresada nun soneto consagrado ao viño: “Vino, enséñame el arte de ver mi propia historia / como si ésta ya fuera ceniza en la memoria.

Así faremos neste encontro cordial coa cultura e o lecer. Comprobaremos que unha copa de nobre viño nos beizos é quen de facer agromar a faísca no cerebro, ese resorte capaz de espertar a memoria para percorrer entre todos o camiño da evocación dun mundo que resultará de certo subxugante.

LUGAR DE REALIZACIÓN:

Espazo enocultural Vide, Vide! (Rúa Fonte de Santo Domingo, nº 10. Baixo)

DATAS:

-20 Abril, Mércores: Bos Aires de Borges, Seoane, Castelao e Gardel. Fronteira Sur.

-3 Maio, Martes: Nova Iork (Greenwhich Village) e a Xeración Beat: On the Road.

-18 Maio, Mércores: Lisboa a ville blanche e Fernando Pessoa. Marcello Mastroianni: Sostiene Pereira.

-25 Maio, Mércores: París nos Anos Vinte, era unha festa. Woody Allen: Midnight in Paris.

HORARIO: de 20’30 a 22’30 horas.

PREZO:

-12 euros (con dereito a varios viños e petiscos).

-Pódese adquirir a entrada no espazo enocultural Vide, Vide! (Rúa Fonte de Santo Domingo, nº 10) preferentemente nos días previos, ou ben media hora antes da celebración da sesión. Para efectuar reservas: Teléfono 986 136 580. E-mail info@videvide.net

Para máis información:

Espazo Enocultural Vide, Vide! (para información e efectuar reservas: E-mail: info@videvide.net / Teléfonos: 981 582 911 / 606 558 640 / 676 467 805)

 

           

Xavier Castro: Especialista na historia do viño e Premio Picadillo do Fórum Gastronómico 2015. Libros do autor: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

E-mail: f.x.cp@hotmail.com / Móbil: 609 653 228

                               

XORNADAS SOBRE VIÑO E CULTURA 3ª Sesión: PARÍS NOS ANOS VINTE.

 

XORNADAS SOBRE VIÑO E CULTURA. 3ª Sesión

Woody Allen: Midnight in Paris (cando París era unha festa, nos anos vinte)

Bodega Urbana PEPE MANTEQUILLA

UN ÁMBITO PARA A CULTURA E O GOCE DO VIÑO

Condutor da Sesión: Xavier Castro

Lugar: Bodega urbana Pepe Mantequilla (Rúa Rosalía Castro, 32. Vigo)

Data: Xoves, 10 de Marzo, de 20’30 a 22’15 horas.

VIÑOS DE BARRIL DA ADEGA PEPE MANTEQUILLA: SELECCIONADOS E COMENTADOS POR JULIÁN RODRÍGUEZ

PRESENTACIÓN

A terceira sesión das Xornadas sobre Viño e Cultura está dedicada a evocar o ambiente cultural de París na década de 1920. Como lle acontece ao protagonista da película de Woody Allen Midnight in Paris, adentrarémonos no pasado da cidade luz, considerada o epicentro das novas tendencias creativas. Achegarémonos así ao friso composto polos literatos e artistas de vangarda que viviron nesta cidade. Coñeceremos a súa procura de novos vieiros para a creación, que levaban a cabo entre discusións nas tertulias dos cafés emprazados nos bulevares (non faltaría quen se referise nalgunha delas á música de Cole Porter e as escandalosas farras celebradas no seu apartamento parisino) namentres tomaban copas de absenta, pastis ou de viño Burdeos. Entretanto, resoaban no ambiente os electrizantes acordes dos novidosos ritmos do jazz.

 Os comentarios do condutor da sesión, Xavier Castro (especialista na historia do viño e Premio Picadillo do Fórum Gastronómico 2015) daran conta dos gustos predominantes en materia de viños e das claves esenciais dos creadores que se deron cita naquel París dos tolos anos vinte, no que a vida era unha moveable feast, como gustaba dicir Ernest Hemingway, e iránse mesturando coas achegas do vitivinicultor Julián Rodríguez.

Mais convén tamén mollar a palabra, e deste xeito as glosas e achegas documentais iranse entreverando co goce de excelentes viños, combinado coa audición de pezas musicais e cancións (ilustradas con vídeos) propias do mundo parisino naquela época. Nesta ocasión poderemos apreciar os viños de barril da adega urbana Pepe Mantequilla, que serán presentados por Julián Rodríguez, e máis cataremos tamén algún viño francés.

            Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan artesán, queixo, friames e outros produtos galegos de calidade, que a todo isto da dereito a inscrición que se efectuará na propia bodega urbana Pepe Mantequilla. (Prezo: 9 euros)

LUGAR DE REALIZACIÓN

-Bodega urbana Pepe Mantequilla (Rúa Rosalía Castro, 32. Vigo)

DATA

-10 Marzo, Xoves, de 20’30 a 22’15 horas.

PREZO:

-9 euros (con dereito a varios viños e petiscos).

Pódese adquirir a entrada en Pepe Mantequilla (Rúa Rosalía Castro, 32. Vigo) preferentemente nos días previos, ou ben media hora antes da celebración da sesión.

Para máis información:

Xavier Castro (Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

Enderezo-e: f.x.cp@hotmail.com

Móbil: 609 653 228

XORNADAS SOBRE VIÑO E CULTURA

2ª Sesión: ÁVARO CUNQUEIRO

Bodega Urbana

PEPE MANTEQUILLA

UN ÁMBITO PARA A CULTURA E O GOCE DO VIÑO

                                                      Condutor da Sesión: Xavier Castro

Lugar: Bodega urbana Pepe Mantequilla (Rúa Rosalía Castro, 32. Vigo)

Data: Xoves, 3 de Marzo, de 20’30 a 22’15 horas.

ADEGA invitada: ALECRIN (D.O. Ribeiro)

A segunda sesión das Xornadas sobre Viño e Cultura está dedicada a evocar algúns aspectos relevantes da traxectoria vital e a obra dun dos escritores más imaxinativos das nosas letras e forxador ademais dunha peculiar sensibilidade en relación cos viños e a gastronomía de Galicia: Álvaro Cunqueiro, natural de Mondoñedo, vila –como el dicía- rica en pan, en augas i en latín. Os comentarios do condutor da sesión, Xavier Castro (especialista na historia do viño e Premio Picadillo do Fórum Gastronómico 2015), darán conta das claves esenciais da súa obra literaria en relación coa cultura popular do viño en Galicia, e iranse intercalando coas achegas tanto do adegueiro, Antón Giráldez, como do vitivinicultor Julián Rodríguez. Mais convén tamén mollar a palabra, e deste xeito as glosas e achegas documentais iranse entreverando co goce de excelentes viños, e o recitado dunha escolma de textos representativos do quefacer de Álvaro Cunqueiro, mesturado todo coa audición de pezas musicais e cancións (ilustradas con vídeos) que gardan relación coa época e o mundo cunqueiriano.

Nesta ocasión poderemos apreciar os honestos viños da recoñecida Adega Alecrín que promove a familia Giráldez en Cenlle, situada na comarca do Ribeiro. Presentará dous caldos de feitío artesán e elaboración natural: un branco, creado coas nobres castes autóctonas treixadura e albariño, e un tinto multivarietal que mestura as uvas mencía, caíño tinto, brancellao e sousón.

            Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan artesán, queixo, friames e outros produtos galegos de calidade, que a todo isto da dereito a inscrición que se efectuará na propia bodega urbana Pepe Mantequilla. (prezo: 9 euros)

LUGAR DE REALIZACIÓN

-Bodega urbana Pepe Mantequilla (Rúa Rosalía Castro, 32. Vigo)

DATA

-3 Marzo, Xoves, de 20’30 a 22’15 horas.

PREZO:

9 euros (con dereito a varios viños e petiscos).

Pódese adquirir a entrada en Pepe Mantequilla (Rúa Rosalía Castro, 32. Vigo) preferentemente nos días previos, ou ben media hora antes da celebración da sesión.

Para máis información:

Xavier Castro (Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

Enderezo-e: f.x.cp@hotmail.com

Móbil: 609 653 228

Xavier Castro. Xornadas Viño e Cultura: 1ª Sesión: Valle-Inclán e Leive

XORNADAS SOBRE VIÑO E CULTURA

1ª Sesión: VALLE-INCLÁN

Bodega Urbana

PEPE MANTEQUILLA

UN ÁMBITO PARA A CULTURA E O GOCE DO VIÑO

Condutor da Sesión: Xavier Castro

Lugar: Bodega urbana Pepe Mantequilla (Rúa Rosalía Castro, 32. Vigo)

Data: Mércores, 17 de Febreiro, de 20’30 a 22’00 horas.

ADEGA invitada: AUREA LUX (Cenlle. D.O. Ribeiro)

PRESENTACIÓN

     A primeira sesión das Xornadas sobre Viño e Cultura está dedicada a evocar algúns aspectos relevantes da traxectoria vital e máis a obra do extraordinario escritor Ramón María del Valle-Inclán, auténtico ourive do idioma e creador do esperpento. Nas Comedias Bárbaras, nas Sonatas e tamén en dramas teatrais como Luces de bohemia deixou plasmado un suxestivo friso da cultura popular do viño na Terra do Salnés, testemuñou as formas de sociabilidade e as bebidas que adoitaban servirse tanto nos pazos visitados polo Marqués de Bradomín, como nas tabernas e cafés de Madrid nos que Max Estrella calmaba a súa sede de rebelde lúcido e distraía a súa melancolía de poeta bohemio.

     Valle-Inclán aludía á correspondencia entre viños e pratos, complexa cuestión na que se entreveran segredos nexos, á maneira dun concerto pitagórico. Nunha das comedias bárbaras, concretamente en Cara de Plata, o seminarista Don Farruquiño barrunta unha teoría en relación con isto: “Cada vino reclama su sacramento. Rueda blanco, propio para acompañar una tortilla de chorizos. Espadeiro de Salnés, bueno para refrescar en el monte, o en una romería o en un juego de bolos. Rivero de Avia, para las empanadas de lamprea y las magras de Lugo. Cada vino tiene su correspondencia en la vida, igual que todas las cosas. El mundo es armonía y concierto pitagórico. ¡Y nadie me rebata, si no está ordenado de teólogo!”.

Os comentarios do condutor da sesión, Xavier Castro, darán conta das características esenciais da súa obra literaria e dos seus suxestivos testemuños sobre o panorama da enoloxía de Galicia no primeiro terzo do século XX. Mais convén asi mesmo mollar a palabra, e, deste xeito, as glosas e achegas documentais iranse entreverando co goce dos viños do Ribeiro, e o recitado dunha escolma de textos senlleiros de Valle-Inclán, mesturado todo coa audición de pezas musicais e cancións (ilustradas con vídeos) que gardan relación coa época e o mundo valleinclanescos, como as arias de Don Giovanni de Mozart, que non tería nada de estraño que inspirasen ao Marqués de Bradomín nos seus galanteos.

     Nesta ocasión poderemos apreciar os excelentes caldos da prestixiosa Adega Aurea Lux, situada en Cenlle (D.O. Ribeiro), ben representada polo seu promotor, o profesor de socioloxía Manuel Docampo. Esta adega elabora, cun feitío artesanal e depurada calidade técnica, uns viños de probada calidade: Leive Paradigma, elaborado con uva treixadura, albariña e loureira, e a outra marca de seu, Leive Treixadura, que presenta un carácter monovarietal. Haberá ocasión de gozar asemade do branco reserva Leive Reliquia e dun tinto de crianza, con certificación ecolóxica, Preto de Leive.

            Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan artesán, queixo, friames e outros produtos galegos de calidade, que a todo isto da dereito a inscrición que se efectuará na propia bodega urbana Pepe Mantequilla, en días previos ou ben media hora antes da sesión. (prezo: 9 euros)

LUGAR DE REALIZACIÓN

-Bodega urbana Pepe Mantequilla (Rúa Rosalía Castro, 32. Vigo)

DATA

-17 Febreiro, Mércores, de 20’30 a 22’00 horas.

PREZO:

9 euros, cada sesión (con dereito a varios viños e petiscos).

Pódese adquirir a entrada en Pepe Mantequilla (Rúa Rosalía Castro, 32. Vigo) preferentemente nos días previos, ou ben media hora antes da celebración da sesión.

Para máis información:

Xavier Castro (Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

Enderezo-e: f.x.cp@hotmail.com

Móbil: 609 653 228 

XORNADAS SOBRE VIÑO E CULTURA. EN VIGO

PROGRAMA

Bodega Urbana PEPE MANTEQUILLA

As Xornadas sobre Viño e Cultura terán lugar na cidade de Vigo, nos días 17 de Febreiro, 3 e 10 de Marzo, en horario de 20’30 a 22 horas, na bodega urbana Pepe Mantequilla. Trátase de levar a cabo nelas un achegamento á cultura do viño, cunha iniciación á cata (con referencia aos criterios básicos da cata técnica e tamén ós propios da cultura popular do viño) que ao propio tempo constitúa unha experiencia de apreciación e goce hedonista do viño.

Estas Xornadas teñen unha orientación transversal que pretende integrar a cultura do viño coa creación literaria, artística e musical. En cada sesión degustaranse viños de excelente calidade elaborados por reputadas adegas, nomeadamente galegas (Áurea Lux e Alecrin), e poñeranse de manifesto as referencias ao mundo do viño contidas nas obras de varios creadores senlleiros: Valle-Inclán, Álvaro Cunqueiro, e os artistas evocados por Woody Allen en Midnight in Paris (cando París era unha festa, nos anos vinte). Faranse tamén recitacións de poemas e lecturas de textos en prosa e proxectaranse ademais fragmentos curtos de documentais culturais.

As explicacións do condutor das Xornadas, o profesor Xavier Castro (especialista na historia do viño e Premio Picadillo do Fórum Gastronómico 2015), farán referencia ao escritor que centre o interese de cada unha das sesións, abordando cuestións relacionadas coa cultura do viño, a temática gastronómica relacionada con ela e iranse intercalando coas achegas tanto dos adegueiros como do vitivinicultor Julián Rodríguez. Aléntase tamén a participación dos asistentes que disporán de momentos de vagar dedicados ao goce pracenteiro e ilustrado do viño, que, como é mester, servirase na compaña dalgúns petiscos de pan artesán, queixo, friames e outros produtos galegos de calidade. Haberá, así mesmo, interludios musicais nos que se escoitaran pezas alusivas á cultura do viño (visualizadas nunha pantalla dixital) e que garden algún tipo de vínculo co creador que protagoniza cada sesión, tanto fragmentos de óperas ou obras clásicas, como tamén jazz e música galega tradicional.

LUGAR DE REALIZACIÓN

-Bodega urbana Pepe Mantequilla (Rúa Rosalía Castro, 32. Vigo)

DATAS

-17 Febreiro, Mércores: Valle-Inclán. Adega Aurea Lux.

-3 Marzo, Xoves: Álvaro Cunqueiro. Adega Alecrin.

-10 Marzo, Xoves: Woody Allen: Midnight in Paris (París era unha festa, nos anos vinte). Viños de Pepe Mantequilla (Selección de Julián Rodríguez).

HORARIO

De 20’30 a 22’00 horas.

PREZO:

9 euros, cada sesión (con dereito a varios viños e petiscos).

Pódese adquirir a entrada en Pepe Mantequilla (Rúa Rosalía Castro, 32. Vigo) preferentemente nos días previos, ou ben media hora antes da celebración da sesión.

Para máis información:

Xavier Castro (Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

Enderezo-e: f.x.cp@hotmail.com

Móbil: 609 653 228