XORNADAS SOBRE VIÑO E CULTURA GALEGA: JULIO CAMBA

Goza do viño, da boa literatura e do maxistral humor de Julio Camba, nas: XORNADAS SOBRE VIÑO E CULTURA GALEGA. 3ª SESIÓN: JULIO CAMBA Condutor: Xavier Castro -En Vigo: Cafetería LUCES DE BOHEMIA, Xoves, 23 de Maio, ás 20 horas. -En Santiago: Cafetería do CEGAC, Martes, 28 de Maio, ás 20 horas. -Interesante e divertido artigo de Julio Camba, publicado en "La rana viajera" (1920). "No se puede vivir en Madrid —me dice un amigo—. ¿Por qué no hace usted un artículo contra las casas? — Porque es imposible —le contesto—. ¿Cómo quiere usted que yo haga un artículo contra las casas en un sitio donde no las hay? Pero, bien mirado, si en Madrid hubiera casas, no se necesitaría escribir contra ellas. Todos los defectos de las casas de Madrid se condensan en uno solo: el de la escasez. Como no puede mudarse, el inquilino tiene que transigir constantemente. Las casas madrileñas son malas y son caras porque son pocas. Claro que el Gobierno podría intervenir en este asunto; pero yo confío más en una nueva epidemia que reduzca a un cincuenta por ciento la población de nuestra capital. ¡Las casas de Madrid! Hace tiempo que yo me lancé a buscar una, y no recuerdo haber experimentado jamás mayores vejaciones. — ¿Hay calefacción? —le pregunté a la portera de un inmueble donde se alquilaba un cuarto piso. Esta hipótesis pareció ofender gravemente la dignidad de aquella mujer. — No, señor —me contestó con orgullo—. Aquí estamos a la antigua española… Y, cuando yo llegaba ya a la esquina, después de haberme despedido, la portera me hizo volver sobre mis pasos. — ¿Qué ocurre? —exclamé. — Que ni calefación ni tampoco cuarto de baño —me respondió. Dicho lo cual, la buena señora me dejó plantado. En su cara se leía esa satisfacción que produce siempre el hecho de darle una lección a alguna persona impertinente. Entonces me dediqué a explorar los barrios extremos, donde hay edificaciones modernas. Tan modernas son estas edificaciones, que la madera de que están construidas, todavía verde, se dilata con voluptuosidad a los primeros efluvios de la primavera. Bajo el barniz de muñeca se siente circular la savia, y uno —hombre urbano y prosaico— teme que las puertas se le cubran de follaje y que los pájaros vengan a hacer sus nidos en el pasillo. Todas estas casas tienen ascensor, y todos estos ascensores tienen un letrero que dice: «No funciona.» En una, sin embargo, el ascensor carecía de letrero, lo que me hizo pensar muy mal del servicio. — Esta casa es la que no funciona bien —me dije. Y, dirigiéndome a la portera, la interrogué sobre el particular. Me había equivocado. El ascensor marchaba admirablemente, y para demostrármelo, la portera me aseguró que tres días antes, aquella perfecta maquinaria había matado al inquilino del tercero. — Por eso tenemos el piso libre —añadió. La historia del piso no era muy seductora; pero un inquilino tiene que estar en Madrid dispuesto a todo. — ¿Y cuánto renta el piso desocupado? —inquirí. — Rentaba treinta duros; pero lo han subido a treinta y ocho. ¡Qué quiere usted! Es un piso muy bueno y tiene un ascensor magnífico… Decididamente, no nos queda más esperanza que la de una epidemia que acabe con la mitad de los vecinos de Madrid. Claro que si esta epidemia atacase tan sólo a los caseros, no se necesitaría que muriese tanta gente".

XORNADAS SOBRE VIÑO E CULTURA GALEGA: ROSALÍA DE CASTRO, no CEGAC (Santiago). Martes, ás 20 h.

XORNADAS SOBRE VIÑO E CULTURA GALEGA: ROSALÍA DE CASTRO. EN SANTIAGO. Condutor da Sesión: Xavier Castro (Departamento de Hª Contemporánea e América da USC) Lugar: Cafetería do Centro Galego de Arte Contemporánea (CEGAC). Rúa de Ramón del Valle-Inclán, 5. Santiago de Compostela. Data: Martes, 14 de Maio, ás 20 horas. Adega invitada: Viña Moraima (Barro. D. O. Rías Baixas) PRESENTACIÓN: A segunda sesión das Xornadas sobre Viño e Cultura Galega, que contan coa colaboración da Secretaría Xeral de Cultura da Xunta de Galicia, está dedicada a glosar a traxectoria vital e a obra da poetisa Rosalía de Castro, que non é só unha das grandes creadoras da cultura europea oitocentista, senón que, dende a sensibilidade actual, aínda os seus versos gozan de louzanía e resultan vibrantes e emotivos para moitas persoas da nosa época. A súa obra ten ademais un grande interese etnolóxico e contén unha fecunda canteira de referencias aos viños de nós. Os comentarios do condutor do acto, Xavier Castro, darán conta das características esencias da súa obra literaria, moi vencellada a súa peripecia vital, e aludirán ás referencias que a poetisa fai á cultura do viño. Mais convén tamén mollar a palabra, e deste xeito as glosas e achegas documentais iranse entreverando co goce dos excelentes Albariños, e o recitado dalgúns textos senlleiros de Rosalía, mesturado todo coa audición de poemas musicados e cancións (ilustradas con vídeos exhibidos nunha pantalla) de Amancio Prada, Luz Casal e algunhas cantigas populares. Nesta ocasión poderemos apreciar os viños da Adega Viña Moraima, situada en Barro (Subzona do Salnés, enmarcada na Denominación de Orixe Rías Baixas). Esta cooperativa ten a ben practicar unha agricultura de produción integrada que fai por obter o máximo partido á calidade da uva, dando como resultado uns viños monovarietais albariño 100% nos que se aprecian as súas características xenuinas. Na actualidade,Viña Moraima elabora dous viños de calidade contrastada: Aba de Trasumia e Moraima. Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan de Cea cun compango de friames de porco celta e queixo de Ulloa, que a todo isto da dereito a inscrición que se efectuará na propia cafetería do Centro Galego de Arte Contemporánea (CEGAC), en días previos ou ben media hora antes da sesión (prezo: 9 euros). (Para máis información, contactar co director das Xornadas, Xavier Castro (autor de: A rosa do viño, A lume manso, A la sombra ejemplar de los parrales e A mesa e manteis): franciscojavier.castro.perez@usc.es / 609 653 228)

XORNADAS SOBRE VIÑO E CULTURA GALEGA. 2ª SESIÓN: ROSALÍA DE CASTRO. Xoves, ás 20 h.

XORNADAS SOBRE VIÑO E CULTURA GALEGA. 2ª SESIÓN: ROSALÍA DE CASTRO Mestura de Cultura e Lecer: Preténdese crear un espazo para a convivencia cordial. Un ámbito para a cultura galega e o goce dos nosos viños. Condutor da Sesión: Xavier Castro (Departamento de Hª Contemporánea e América da USC) Lugar: Cafetería LUCES DE BOHEMIA (Rúa Colón, 34. Vigo) Data: Xoves, 09 Maio, ás 20 horas. Adega invitada: Nairoa (Arnoia. D.O. Ribeiro) PRESENTACIÓN: A segunda sesión das Xornadas sobre Viño e Cultura Galega, que contan coa colaboración da Secretaría Xeral de Cultura da Xunta de Galicia, está dedicada a glosar a traxectoria vital e a obra da poetisa Rosalía de Castro, que non é só unha das grandes creadoras da cultura europea oitocentista, senón que, dende a sensibilidade actual, aínda os seus versos gozan de louzanía e resultan vibrantes e emotivos para moitas persoas da nosa época. A súa obra ten ademais un grande interese etnolóxico e contén unha fecunda canteira de referencias aos viños de nós, e nomeadamente do Ribeiro, o viño máis nobre ao traveso da historia toda de Galicia, sendo merecente da gabanza de Cervantes e Tirso de Molina. Os comentarios do condutor do acto, Xavier Castro, darán conta das características esencias da súa obra literaria, moi vencellada a súa peripecia vital, e aludirán ás referencias que a poetisa fai á cultura do viño. Mais convén tamén mollar a palabra, e deste xeito as glosas e achegas documentais iranse entreverando co goce dos viños do Ribeiro, e o recitado dalgúns textos senlleiros de Rosalía, no que colaborara a actriz Uxía Blanco / a profesora María Outes, mesturado todo coa audición de poemas musicados e cancións (ilustradas con vídeos exhibidos nunha pantalla) de Amancio Prada, Luís Emilio Batallán e algunhas cantigas populares. Nesta ocasión poderemos apreciar os viños de Adegas Nairoa, que mesturan a vinificación tradicional cos actuais avances enolóxicos nas modernas instalacións que posúe nun edificio axeitado ao feitío arquitectónico tradicional do Ribeiro, situado na beira do río Arnoia. Elabora uns viños moi recoñecidos, de alta expresión, senlleiros, ben harmonizados e complexos. Haberá ocasión de catar dous excelentes brancos: Alberte e Nairoa, para rematar cun tinto Terralonga, que combina sabiamente as variedades mencía e garnacha. Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan de Cea cun compango de friames de porco celta e queixo de Ulloa, que a todo isto da dereito a inscrición que se efectuará na propia cafetería Luces de Bohemia, en días previos ou ben media hora antes da sesión (prezo: 9 euros). (Para máis información, contactar co director das Xornadas, Xavier Castro (autor de: A rosa do viño, A lume manso, A la sombra ejemplar de los parrales e A mesa e manteis): franciscojavier.castro.perez@usc.es / 609 653 228)

XORNADAS VIÑO E CULTURA GALEGA. SANTIAGO. Cafetería do CEGAC. 30 Abril ás 20 horas

XORNADAS SOBRE VIÑO E CULTURA GALEGA 1ª SESIÓN: MARUJA MALLO Condutor da Sesión: Xavier Castro (Departamento de Hª Contemporánea e América da USC) Lugar: Cafetería do Centro Galego de Arte Contemporánea (CEGAC). Rúa de Ramón del Valle-Inclán, 5. Santiago. Data: Martes, 30 de Abril, ás 20 horas. Adega invitada: Entre os rios (Pobra do Caramiñal) PRESENTACIÓN: A primeira sesión das Xornadas sobre Viño e Cultura Galega, que contan coa colaboración da Secretaría Xeral de Cultura da Xunta de Galicia, está dedicada a glosar a traxectoria vital e a obra da artista galega Maruja Mallo, caracterizada polo seu talante persoal innovador e a súa obra pictórica vangardista, en permanente evolución e constante procura de novas formas de expresión. Foi admirada por Ortega y Gasset, Gómez de la Serna, Lorca, André Bretón e Paul Éluard, e gozou dun amplo recoñecemento internacional, do que da testemuña o feito de que a súa obra forme parte das coleccións dos museos máis emblemáticos. Poderemos tamén ollar como Vigo e o mundo do mar deixaron unha pegada indeleble nalgúns dos seus cadros máis fermosos e abordaranse, por suposto, sempre en referencia á obra plástica e á vida de Maruja Mallo, as cuestións relacionadas coa cultura do viño e a súa historia, ademais da temática gastronómica vinculada con ela. Mais convén tamén mollar a palabra e, deste xeito, as glosas e comentarios do director das Xornadas, Xavier Castro, iranse entreverando coa degustación dos viños da bitola Entre os rios: unha pequena adega artesá (e casa de turismo rural, de engádega) situada na Pobra do Caramiñal (IXP do Barbanza-Iria) que ten como buque insinia un galardoado albariño sobre lias Altares de Postmarcos. Elabora, ademais, un branco multivarietal de probada calidade, Casal do Monte, e un moi digno tinto mencía Pintadoiro. Serviranse tamén petiscos de queixo de Arzúa-Ulloa e friames de porco celta, apoiados en pan de Cea, que a todo isto dá dereito a inscrición que se efectuará na propia cafetería do CEGAC, media hora antes da sesión (prezo: 9 euros). Todo o cal estará entrefebrado coa intervención do adegueiro invitado e os comentarios e as preguntas dos asistentes e, así mesmo, con momentos de goce demorado do viño. Proxectaranse tamén documentais e haberá interludios musicais nos que se escoitaran pezas alusivas á cultura do viño (visualizadas nunha pantalla dixital) e que garden algún tipo de vínculo coa artista que protagoniza esta sesión. Previsiblemente, algunha das cancións propiciará a práctica do canto coral por parte dos asistentes. (Para máis información, contactar co director das Xornadas, Xavier Castro (autor de: A rosa do viño, A la sombra ejemplar de los parrales e A mesa e manteis): franciscojavier.castro.perez@usc.es / 609 653 228)

XORNADAS SOBRE VIÑO E CULTURA GALEGA. 1ª SESIÓN: MARUJA MALLO. EN VIGO

XORNADAS SOBRE VIÑO E CULTURA GALEGA Mestura de Cultura e Lecer: Preténdese crear un espazo para a convivencia cordial. Un ámbito para a cultura galega e o goce dos nosos viños. 1ª SESIÓN: MARUJA MALLO Condutor da Sesión: Xavier Castro (Departamento de Hª Contemporánea e América da USC) Lugar: Cafetería LUCES DE BOHEMIA (Rúa Colón, 34. Vigo) Data: Xoves, 25 Abril, ás 20 horas. Adega invitada: Alan de Val (Denominación de Orixe Valdeorras) PRESENTACIÓN: A primeira sesión das Xornadas sobre Viño e Cultura Galega, que contan coa colaboración da Secretaría Xeral de Cultura da Xunta de Galicia, está dedicada a glosar a traxectoria vital e a obra da artista galega Maruja Mallo, caracterizada polo seu talante persoal innovador e a súa obra pictórica vangardista, en permanente evolución e constante procura de novas formas de expresión. Foi admirada por Ortega y Gasset, Gómez de la Serna, Lorca, André Bretón e Paul Éluard, e gozou dun amplo recoñecemento internacional, do que dá testemuña o feito de que a súa obra forme parte das coleccións dos museos máis emblemáticos. Poderemos tamén ollar como Vigo e o mundo do mar deixaron unha pegada indeleble nalgúns dos seus cadros máis fermosos e abordaranse, por suposto, sempre en referencia á obra plástica e á vida de Maruja Mallo, as cuestións relacionadas coa cultura do viño e a súa historia, ademais da temática gastronómica vinculada con ela. Mais convén tamén mollar a palabra e, deste xeito, as glosas e comentarios do director das Xornadas, Xavier Castro, iranse entreverando coa degustación dos viños da bitola Alan de Val. É esta unha adega artesanal de A Rúa (Denominación de Orixe Valdeorras), acreditada con diversos galardóns e que condensa unha ampla tradición familiar de cultivo do terroir e amor ao viño ben elaborado. Son moi salientables, en aras da calidade, os seus Mencías, nomeadamente o Pedrazais Barrica e A Costiña-Brancellao, ámbolos dous envellecidos, e o Garnacha procedente de vellas cepas, e moi agasalleiro ao padal resulta tamén o branco Godello mozo. Serviranse tamén petiscos de queixo de Arzúa-Ulloa e friames de porco celta, apoiados en pan de Cea, que a todo isto dá dereito a inscrición que se efectuará na propia cafetería Luces de Bohemia, media hora antes da sesión (prezo: 9 €). Todo o cal estará entrefebrado coa intervención do adegueiro invitado e os comentarios e as preguntas dos asistentes e, así mesmo, con momentos de goce demorado do viño. Proxectaranse tamén documentais e haberá interludios musicais nos que se escoitaran pezas alusivas á cultura do viño (visualizadas nunha pantalla dixital) e que garden algún tipo de vínculo coa artista que protagoniza esta sesión. Previsiblemente, algunha das cancións propiciará a práctica do canto coral por parte dos asistentes. (Para máis información, contactar co director das Xornadas, Xavier Castro (autor de: A rosa do viño, A la sombra ejemplar de los parrales e A mesa e manteis): franciscojavier.castro.perez@usc.es / 609 653 228)

XORNADAS SOBRE VIÑO E CULTURA GALEGA (XAVIER CASTRO)

XORNADAS SOBRE VIÑO E CULTURA GALEGA Mestura de Cultura e Lecer: Preténdese crear un espazo para a convivialidade cordial. Un ámbito para a cultura galega e o goce dos nosos viños. PROGRAMA As Xornadas sobre Viño e Cultura Galega, que terán lugar nas cidadee de Vigo e Santiago, procuran levar a cabo un achegamento á cultura do viño, cunha iniciación á cata (con referencia aos criterios básicos da cata técnica e tamén ós propios da cultura popular do viño) que ao propio tempo constitúa unha experiencia de apreciación e goce do viño. Estas Xornadas, que contan coa colaboración da Secretaría Xeral de Cultura da Xunta de Galicia, teñen unha orientación transversal que pretende integrar a cultura do viño coa creación literaria, artística e musical galega. En cada sesión se degustaran viños de adegueiros galegos (nomeadamente artesáns, que tamén tomarán parte no acto) que garden relación coa obra (e, por veces, tamén coa vida) dun determinado escritor ou artista. Salientarase o vencello que existe entre ambos, comentaranse os cadros ou apartados da obra literaria nos que se fai mención ao viño, e mesmo se fará un recitado de poemas e fragmentos en prosa. As explicacións do condutor do curso, profesor Xavier Castro, farán referencia ao escritor ou artista que centre o interese de cada unha das sesións, abordando cuestións relacionadas coa cultura do viño e a súa historia, coa temática gastronómica relacionada con ela (nomeadamente, as maridaxes entre o viño e a gastronomía) e estarán entrefebradas coas intervencións dos participantes (aléntase a participación e son benvidos os comentarios e as preguntas dos asistentes) e con momentos de goce e pracer do viño, que se servirá acompañado dalgúns petiscos. Proxectaranse documentais e haberá, asi mesmo, interludios musicais nos que se escoitaran pezas alusivas á cultura do viño (visualizadas nunha pantalla dixital) e que garden algún tipo de vínculo co creador que protagoniza cada sesión, tanto fragmentos de óperas ou obras clásicas, como tamén jazz e música galega tradicional. Cada sesión estará consagrada a un dos seguintes creadores/as: Maruja Mallo Rosalía de Castro Julio Camba Valle-Inclán Álvaro Cunqueiro LUGAR DE REALIZACIÓN EN SANTIAGO: Cafetería do Centro Galego de Arte Contemporánea (CEGAC). Rúa de Ramón del Valle-Inclán, 5. Santiago de Compostela. DATAS: Xornadas sobre Viño e Cultura Galega Abril Martes 30: Maruja Mallo Maio Martes 14: Rosalía de Castro Martes 28: Julio Camba Xuño Martes 11: Ramón María del Valle-Inclán Martes 25: Álvaro Cunqueiro LUGAR DE REALIZACIÓN EN VIGO: Salón da cafetería Luces de Bohemia. Rúa de Colón, 34. Vigo. DATAS: Abril Xoves 25: Maruja Mallo Maio Xoves 9: Rosalía de Castro Xoves 23: Julio Camba Xuño Xoves 6: Ramón María del Valle-Inclán Xoves 20: Álvaro Cunqueiro HORARIO: de 20 a 22 horas. PREZO: 9 euros cada sesión (con dereito a viños e petiscos). Pódese adquirir a entrada na propia cafetería do CEGAC, na que terá lugar o evento, preferentemente nos días precedentes, ou ben media hora antes da celebración da sesión. Para máis información: Enderezo-e: franciscojavier.castro.perez@usc.es Móbil: 609 653 228

PREGÓN 1ª MOSTRA DO VIÑO DE VILABOA

PREGÓN 1ª MOSTRA DO VIÑO DE VILABOA Por: XAVIER CASTRO (Autor do libros: “A rosa do viño” e "A la sombra ejemplar de los parrales") Moi boas tardes. Comezarei recitando unha décima en honor do viño, da autoría do poeta Gonzalo Navaza: “Miñas donas, meus señores que hoxe aquí vos congregades, ilustres autoridades, adegueiros, produtores, alegres consumidores e asistentes en xeral, vaia un saúdo cordial deste voso servidor que ten por moi grande honor ser pregoeiro oficial”. Convén salientar a importancia do viño na cultura popular. O viño antano, era todo: era quen de dar calidade de vida. Os galegos temos uns gustos particulares en materia de viños. Satisfeitos coa súa graza, a poucos descontenta a lixeireza e o chisco de acidez que lles infunde o terroir propio do noroeste. En calquera caso, ardua tería sido a sorte dos galegos no seu decorrer histórico sen os seus viños. Para a nosa xente o viño foi unha grande ledicia: funxiu como alimento, alboroque, conforto e quentura; foi requirida tamén a súa presenza na relación social, veciñal e amistosa, e por suposto no amor. E a todos pareceu, ademais, de todo punto indispensable na festa. Alguén que traballa con modestia na viña da historia intúe que os viños de Galicia son coma nós: persoas -no dicir de Cunqueiro- de corazón tranquilo, humildes, honestas, suaves e un chisco remisas. Tamén peculiares, individualistas e querulantes, en correspondencia co feitío dun país de acendrado minifundismo e dispersión, atravesado por unha mesta rede de corredoiras en quiasma reflectidas en certa maneira nunhas idiosincráticas encrucilladas mentais. En tal territorio de aparencia natural, pero en verdade froito dun complexo entramado de vicisitudes sociais, xurídicas e produtivas (como sinalaba Pla, as paisaxes as fan os notarios; os campesiños soamente as decoran) entreverase un amplo elenco de propietarios entregados ás labouras de desenvolvemento duns cultivos de acusada diversidade. Sobrancea entre eles o doce verdor dos viñedos que se erixen nun dos primordiais riscos definitorios dunha paisaxe de bocage que se ordena en agradable mosaico. Salientan neste marco xeral as sollosas ladeiras de Vilaboa, asomadas placidamente á ría de Vigo. Os seus viños, nomeadamente os tintos que eran os máis abondosos, gozaron de merecido aprecio nas comarcas dos arredores, e constitúen un dos capítulos da orde dos viños galegos, moi senlleiros entre os elaborados en todo o arco Atlántico. Estamos hoxe a vivir un estimulante proceso de recuperación das castes tradicionais, o que reviste notable importancia: o viño é o sangue da terra e conforma a identidade do país, que tamén ten unha vertente enolóxica xa que aporta uns gustos e uns sabores xenuínos. Convén auspiciar a elaboración do viño que parta das castes propias, que retrocederon a raíz das crises provocadas polos andazos do oídio, o mildeu e a filoxera, a finais do século XIX e comezos do XX. Isto provocou a introdución das castes “americanas”, resistentes ás pragas, en portaenxerto ou mesmo directamente, amén doutras foráneas, que eran máis produtivas, sacrificándose a calidade en aras da cantidade. Mentalidade que vai indo felizmente en paseniño retroceso, pero que hai que levar a termo. Velaquí o repertorio das nosas castes conspicuas: Tintas, antano dominantes: Tintafemia (Bazoco), Negrón, Mouratón, Brencellado, Sousón, Espadeiro. Brancas: Caiño, Treixadura, Albariño e Torrontés. Semella oportuno traer a colación as palabras de Cunqueiro: “Xa sei que agora hai outras cepas, e que se queren colleitas longas, vendimas fartas, e que as vellas cepas do país dan pouco”. Esta pretensión, tan errónea, era basicamente produtivista, e non se orientaba a procura de viños de calidade. E así as cousas, amante da identidade enolóxica de Galicia, como bo galeguista, era don Álvaro un bebedor consciente da necesidade de recorrer mesmo se preciso fora a argucias detectivescas: “sei que hai que buscar onde están escusados, en qué adega viven os grandes viños nosos”. Por fortuna, por veces, as pesquisas daban froito: “Algunha que outra vez, tócame un ao que hai que tirarlle a pucha”, dicía. Compre reivindicar tamén o emprego de lévedos (fermentos) xenuínos, descartando os estandarizados e industriais. Considero que é unha boa idea promocionar a cultura vitícola tradicional, por revestir unha grande relevancia para o desenvolvemento local (non hai nada máis universal que o local con personalidade propia). É mester poñer en valor os viños artesáns, sen esquecer tampouco aqueles que ostentan un feitío moi específico e particular, os viños de autor. Compre tamén asumir, na medida do posible, un enfoque ecolóxico na procura da mellora do cultivo dos viñedos e da elaboración dos caldos. Esta orientación fará posible a obtención dun certificado ou selo de calidade. O viño faise na viña. Convén poñer en valor non só a cepa, que se pode cultivar noutros lugares, senón o chan específico, o terruño (terroir) que o produce, o locus. O bo viño debe expresar a terra da que agroma e ostentar un nome enxebre por divisa. Compre valorar a importancia do terroir. Noutras partes poderán cultivar as nosas variedades, pero non disporán nunca da terra que nutre estas videiras, nin albiscaran endexamais as mesmas as nubes que navegan por este ceo. Tampouco dispoñen do voso xeito e saber facer, que se beneficia dunha vedraña cultura do viño. Non podo menos que facer a loanza dos Adegueiros que traballan as súas propias viñas, que transmiten o su persoal estilo á videira que cultivan e ao viño que, con grande amor, elaboran no propio lagar e na adega familiar. Incitaba Cunqueiro, que tanto amou estas terras, a procurar a variedade de matices e de sabores que propicia a enoloxía artesanal, ou ben a de orientación técnica e moderna, pero sensible e atenta á consideración do viño como un produto de cultura, e non só como unha mercancía calquera. O importante para o escritor mindoniense, e tamén para José María Castroviejo, era fuxir dos sabores previsibles e do tedio que conleva a homoxeneización excesiva da produción en serie. Os viños de nós, que tamén saben durar anos, gozan de irrefutable mocidade e gustan de ser moi humanos compañeiros. Constitúen a nota máis leda na sinfonía das nourritures terrestres e son peritos na arte do amizoso reconforto, destilando no espírito grolos comparables as palabras insustituíbles e necesarias, cando máis en falta as botamos. Quécennos o corazón cando sentimos que botan o seu brazo por riba do noso ombreiro e nos apertan contra eles transmutándonos en parella moza que estrea o palpito inédito dun nacente namoro. O viño que se franquea na copa constitúe unha forma de amor, que, como enunciaba Gil de Biedma nun poema, ten notable calidade de vida. E é quen sabérnola dar. Grazas a el, nada queda dentro da nosa alma inmóbil, xa que o viño move á primavera e medra como unha pranta de alegría, é o vento que move o día, facendo que o corazón ascenda ás polas. Xa que logo, permitamos que o cántaro de viño, ao bico de amor sume o seu bico, e, deste xeito, apliquémonos, con Neruda, a propagar o fraternal cántico do froito. Viños todos, os nosos, de notable graza e que producen gran suxestión, pero de moi diversa índole; como os evocaba Neruda, tanto da cor do día, como da cor da noite, con pes de púrpura ou sangue de topacio. Para os galegos constitúe un pracer grande, e toda unha sorte, ter tantos e tan diferentes viños. Opinaba hai anos José Bergamín que no ámbito da cultura francesa era posible ler á carta, en tanto que no española era mester conformarse cun menú de prato único. Algo semellante acontecía co abano de viños dispoñibles. Porén, nos nosos días tamén é posible en Galicia ler á carta, dada a riqueza e variedade de posibilidades de elección en materia de libros, e beber asemade con moi cumprida satisfacción, ó podermos escoller entre uns mostos de moi subidas prendas e de moi distinta faciana. Non hai dúbida que melloran así os praceres sociais. E constitúe tamén unha fortuna para cada persoa ter un repertorio de opcións tan amplo, no que resulta moi doado escoller un viño axeitado para compartir os distintos momentos da existencia. Ao cabo, hai que ter en conta a perspectiva de posta en valor do viño como un produto galego de calidade. Non se debe esquecer tampouco o enfoque de turismo enolóxico: enoturismo concibido nun marco integral que vencelle a gastronomía e o viño, coas diversas expresións da cultura popular, a paisaxe, as casas rurais, o sendeirismo e o goce das praias. ¡Animo, pois, nesta valente empresa da mellora dos nosos viños! ¡Meus amigos: que disfrutedes con ledicia destas gratas horas de lecer na compaña dos bos caldos que para goce do padal sérvense na MOSTRA DO VIÑO DE VILABOA! E, xa como colofón, lembremos novamente o poema de Gonzalo Navaza que nos ofrece un fermoso Brinde: “Brindemos pois, compañeiros, amigos, irmaos, veciños, por estes divinos viños deliciosos, feiticeiros, ouro e sangue dos senlleiros acios e bagos de noso. Viva o Vilaboa precioso que tanta beleza encerra! Viva o froito desta terra de futuro venturoso!” Moitas Grazas pola vosa atención.