XORNADAS SOBRE VIÑO E CULTURA

2ª Sesión: ÁVARO CUNQUEIRO

Bodega Urbana

PEPE MANTEQUILLA

UN ÁMBITO PARA A CULTURA E O GOCE DO VIÑO

                                                      Condutor da Sesión: Xavier Castro

Lugar: Bodega urbana Pepe Mantequilla (Rúa Rosalía Castro, 32. Vigo)

Data: Xoves, 3 de Marzo, de 20’30 a 22’15 horas.

ADEGA invitada: ALECRIN (D.O. Ribeiro)

A segunda sesión das Xornadas sobre Viño e Cultura está dedicada a evocar algúns aspectos relevantes da traxectoria vital e a obra dun dos escritores más imaxinativos das nosas letras e forxador ademais dunha peculiar sensibilidade en relación cos viños e a gastronomía de Galicia: Álvaro Cunqueiro, natural de Mondoñedo, vila –como el dicía- rica en pan, en augas i en latín. Os comentarios do condutor da sesión, Xavier Castro (especialista na historia do viño e Premio Picadillo do Fórum Gastronómico 2015), darán conta das claves esenciais da súa obra literaria en relación coa cultura popular do viño en Galicia, e iranse intercalando coas achegas tanto do adegueiro, Antón Giráldez, como do vitivinicultor Julián Rodríguez. Mais convén tamén mollar a palabra, e deste xeito as glosas e achegas documentais iranse entreverando co goce de excelentes viños, e o recitado dunha escolma de textos representativos do quefacer de Álvaro Cunqueiro, mesturado todo coa audición de pezas musicais e cancións (ilustradas con vídeos) que gardan relación coa época e o mundo cunqueiriano.

Nesta ocasión poderemos apreciar os honestos viños da recoñecida Adega Alecrín que promove a familia Giráldez en Cenlle, situada na comarca do Ribeiro. Presentará dous caldos de feitío artesán e elaboración natural: un branco, creado coas nobres castes autóctonas treixadura e albariño, e un tinto multivarietal que mestura as uvas mencía, caíño tinto, brancellao e sousón.

            Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan artesán, queixo, friames e outros produtos galegos de calidade, que a todo isto da dereito a inscrición que se efectuará na propia bodega urbana Pepe Mantequilla. (prezo: 9 euros)

LUGAR DE REALIZACIÓN

-Bodega urbana Pepe Mantequilla (Rúa Rosalía Castro, 32. Vigo)

DATA

-3 Marzo, Xoves, de 20’30 a 22’15 horas.

PREZO:

9 euros (con dereito a varios viños e petiscos).

Pódese adquirir a entrada en Pepe Mantequilla (Rúa Rosalía Castro, 32. Vigo) preferentemente nos días previos, ou ben media hora antes da celebración da sesión.

Para máis información:

Xavier Castro (Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

Enderezo-e: f.x.cp@hotmail.com

Móbil: 609 653 228

Xavier Castro. Xornadas Viño e Cultura: 1ª Sesión: Valle-Inclán e Leive

XORNADAS SOBRE VIÑO E CULTURA

1ª Sesión: VALLE-INCLÁN

Bodega Urbana

PEPE MANTEQUILLA

UN ÁMBITO PARA A CULTURA E O GOCE DO VIÑO

Condutor da Sesión: Xavier Castro

Lugar: Bodega urbana Pepe Mantequilla (Rúa Rosalía Castro, 32. Vigo)

Data: Mércores, 17 de Febreiro, de 20’30 a 22’00 horas.

ADEGA invitada: AUREA LUX (Cenlle. D.O. Ribeiro)

PRESENTACIÓN

     A primeira sesión das Xornadas sobre Viño e Cultura está dedicada a evocar algúns aspectos relevantes da traxectoria vital e máis a obra do extraordinario escritor Ramón María del Valle-Inclán, auténtico ourive do idioma e creador do esperpento. Nas Comedias Bárbaras, nas Sonatas e tamén en dramas teatrais como Luces de bohemia deixou plasmado un suxestivo friso da cultura popular do viño na Terra do Salnés, testemuñou as formas de sociabilidade e as bebidas que adoitaban servirse tanto nos pazos visitados polo Marqués de Bradomín, como nas tabernas e cafés de Madrid nos que Max Estrella calmaba a súa sede de rebelde lúcido e distraía a súa melancolía de poeta bohemio.

     Valle-Inclán aludía á correspondencia entre viños e pratos, complexa cuestión na que se entreveran segredos nexos, á maneira dun concerto pitagórico. Nunha das comedias bárbaras, concretamente en Cara de Plata, o seminarista Don Farruquiño barrunta unha teoría en relación con isto: “Cada vino reclama su sacramento. Rueda blanco, propio para acompañar una tortilla de chorizos. Espadeiro de Salnés, bueno para refrescar en el monte, o en una romería o en un juego de bolos. Rivero de Avia, para las empanadas de lamprea y las magras de Lugo. Cada vino tiene su correspondencia en la vida, igual que todas las cosas. El mundo es armonía y concierto pitagórico. ¡Y nadie me rebata, si no está ordenado de teólogo!”.

Os comentarios do condutor da sesión, Xavier Castro, darán conta das características esenciais da súa obra literaria e dos seus suxestivos testemuños sobre o panorama da enoloxía de Galicia no primeiro terzo do século XX. Mais convén asi mesmo mollar a palabra, e, deste xeito, as glosas e achegas documentais iranse entreverando co goce dos viños do Ribeiro, e o recitado dunha escolma de textos senlleiros de Valle-Inclán, mesturado todo coa audición de pezas musicais e cancións (ilustradas con vídeos) que gardan relación coa época e o mundo valleinclanescos, como as arias de Don Giovanni de Mozart, que non tería nada de estraño que inspirasen ao Marqués de Bradomín nos seus galanteos.

     Nesta ocasión poderemos apreciar os excelentes caldos da prestixiosa Adega Aurea Lux, situada en Cenlle (D.O. Ribeiro), ben representada polo seu promotor, o profesor de socioloxía Manuel Docampo. Esta adega elabora, cun feitío artesanal e depurada calidade técnica, uns viños de probada calidade: Leive Paradigma, elaborado con uva treixadura, albariña e loureira, e a outra marca de seu, Leive Treixadura, que presenta un carácter monovarietal. Haberá ocasión de gozar asemade do branco reserva Leive Reliquia e dun tinto de crianza, con certificación ecolóxica, Preto de Leive.

            Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan artesán, queixo, friames e outros produtos galegos de calidade, que a todo isto da dereito a inscrición que se efectuará na propia bodega urbana Pepe Mantequilla, en días previos ou ben media hora antes da sesión. (prezo: 9 euros)

LUGAR DE REALIZACIÓN

-Bodega urbana Pepe Mantequilla (Rúa Rosalía Castro, 32. Vigo)

DATA

-17 Febreiro, Mércores, de 20’30 a 22’00 horas.

PREZO:

9 euros, cada sesión (con dereito a varios viños e petiscos).

Pódese adquirir a entrada en Pepe Mantequilla (Rúa Rosalía Castro, 32. Vigo) preferentemente nos días previos, ou ben media hora antes da celebración da sesión.

Para máis información:

Xavier Castro (Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

Enderezo-e: f.x.cp@hotmail.com

Móbil: 609 653 228 

XORNADAS SOBRE VIÑO E CULTURA. EN VIGO

PROGRAMA

Bodega Urbana PEPE MANTEQUILLA

As Xornadas sobre Viño e Cultura terán lugar na cidade de Vigo, nos días 17 de Febreiro, 3 e 10 de Marzo, en horario de 20’30 a 22 horas, na bodega urbana Pepe Mantequilla. Trátase de levar a cabo nelas un achegamento á cultura do viño, cunha iniciación á cata (con referencia aos criterios básicos da cata técnica e tamén ós propios da cultura popular do viño) que ao propio tempo constitúa unha experiencia de apreciación e goce hedonista do viño.

Estas Xornadas teñen unha orientación transversal que pretende integrar a cultura do viño coa creación literaria, artística e musical. En cada sesión degustaranse viños de excelente calidade elaborados por reputadas adegas, nomeadamente galegas (Áurea Lux e Alecrin), e poñeranse de manifesto as referencias ao mundo do viño contidas nas obras de varios creadores senlleiros: Valle-Inclán, Álvaro Cunqueiro, e os artistas evocados por Woody Allen en Midnight in Paris (cando París era unha festa, nos anos vinte). Faranse tamén recitacións de poemas e lecturas de textos en prosa e proxectaranse ademais fragmentos curtos de documentais culturais.

As explicacións do condutor das Xornadas, o profesor Xavier Castro (especialista na historia do viño e Premio Picadillo do Fórum Gastronómico 2015), farán referencia ao escritor que centre o interese de cada unha das sesións, abordando cuestións relacionadas coa cultura do viño, a temática gastronómica relacionada con ela e iranse intercalando coas achegas tanto dos adegueiros como do vitivinicultor Julián Rodríguez. Aléntase tamén a participación dos asistentes que disporán de momentos de vagar dedicados ao goce pracenteiro e ilustrado do viño, que, como é mester, servirase na compaña dalgúns petiscos de pan artesán, queixo, friames e outros produtos galegos de calidade. Haberá, así mesmo, interludios musicais nos que se escoitaran pezas alusivas á cultura do viño (visualizadas nunha pantalla dixital) e que garden algún tipo de vínculo co creador que protagoniza cada sesión, tanto fragmentos de óperas ou obras clásicas, como tamén jazz e música galega tradicional.

LUGAR DE REALIZACIÓN

-Bodega urbana Pepe Mantequilla (Rúa Rosalía Castro, 32. Vigo)

DATAS

-17 Febreiro, Mércores: Valle-Inclán. Adega Aurea Lux.

-3 Marzo, Xoves: Álvaro Cunqueiro. Adega Alecrin.

-10 Marzo, Xoves: Woody Allen: Midnight in Paris (París era unha festa, nos anos vinte). Viños de Pepe Mantequilla (Selección de Julián Rodríguez).

HORARIO

De 20’30 a 22’00 horas.

PREZO:

9 euros, cada sesión (con dereito a varios viños e petiscos).

Pódese adquirir a entrada en Pepe Mantequilla (Rúa Rosalía Castro, 32. Vigo) preferentemente nos días previos, ou ben media hora antes da celebración da sesión.

Para máis información:

Xavier Castro (Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC)

Enderezo-e: f.x.cp@hotmail.com

Móbil: 609 653 228

Harry Eyres: Carpe diem. Lecciones de vida con Horacio.

Harry Eyres: Carpe diem. Lecciones de vida con Horacio, Ariel (Planeta), Barcelona, 2013. Un inglés que, ao xeito de Gerald Brenan, se refuxia en España, e nos achega unha interesante visión de Barcelona na década dos oitenta, cidade que descubre ao calor da amizade e coa inspiración de Horacio. Interésalle aprender non só feitos, senón fundamentalmente maneiras de ser. Viaxeiro que sabe valorar as pequenas cousas na procura dunha sabia e despaciosa existencia, cun feitio literario e vital que recorda a Ryszard Kapuscinski, o inesquecible autor dos "Viajes con Heródoto", obra que tan ben acompaña.

XORNADAS SOBRE VIÑO E CULTURA GALEGA. LICEO DE OURENSE. 1ª SESIÓN: MARUJA MALLO

XORNADAS SOBRE VIÑO E CULTURA GALEGA Mestura de Cultura e Lecer: Preténdese crear un espazo para a convivencia cordial. Un ámbito para a cultura galega e o goce dos nosos viños. 1ª SESIÓN: MARUJA MALLO Condutores da Sesión: Xavier Castro e Uxía Blanco Lugar: Cafetería do Liceo Ourense (Rúa Lamas Carvajal, 5). Data: Martes, 08 de Outubro, ás 20 horas. Adega invitada: Arco da Vella (Beade – Ribadavia (D.O. Ribeiro) PRESENTACIÓN: A primeira sesión das Xornadas sobre Viño e Cultura Galega, que contan coa colaboración da Secretaría Xeral de Cultura da Xunta de Galicia, está dedicada a glosar a traxectoria vital e a obra da artista galega Maruja Mallo, caracterizada polo seu talante persoal innovador e a súa obra pictórica vangardista, en permanente evolución e constante procura de novas formas de expresión. Foi admirada por Ortega y Gasset, Gómez de la Serna, Lorca, André Bretón e Paul Éluard, e gozou dun amplo recoñecemento internacional, do que da testemuña o feito de que a súa obra forme parte das coleccións dos museos máis emblemáticos. Mais convén tamén mollar a palabra e, deste xeito, as glosas e comentarios dos condutores das Xornadas, Xavier Castro e Uxía Blanco, iranse entreverando coa degustación dos viños da bitola Arco da Vella, que elabora uns caldos artesáns de salientable calidade con uvas procedentes das propias cepas centenarias, situadas en Beade – Ribadavia (na Denominación de Orixe Ribeiro). Deste xeito, a familia de adegueiros que puxo en pé Arco da Vella ven practicando o amor polos viñedos dende hai varias xeracións, desterrando da súa práctica vitícola o emprego de productos herbicidas e pesticidas. Súmase a isto a concienzuda aplicación na elaboración dos seus viños, e así é como consegue obter uns productos naturais de singulares características organolécticas que polo recendo, cor e padal fan que, con todo merecemento, os podamos inxerir na mellor xinea dos grandes ribeiros tradicionais, que estes adegueiros foron quen de preservar tan cumpridamente. Presentará esta adega o tinto Tarabelo, de cor bermella de cereixa, redondo, largacío e de gorentoso recendo, e non faltará tampouco un branco de resonancias célticas, Torque do Castro, de cabal intensidade, pleno e de prolongado post gusto. Agora ben, como sinalaba Otero Pedrayo, non é posible entender a Galicia do viño sen a Galicia do pan. Consecuentemente, serviranse petiscos de pan de Cea cun compango de friames de porco celta e un queixo galego de calidade, que a todo isto da dereito a inscrición que se efectuará na propia cafetería do Liceo de Ourense, en días previos ou ben media hora antes da sesión (prezo: 8 euros socios, e 10 non socios). Para máis información: Enderezo-e: franciscojavier.castro.perez@usc.es / uxiablanco@hotmail.com Móbil: 609 653 228 / 670 573 545 Xavier Castro (Catedrático de EU de Hª Contemporánea da USC. Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC) Uxía Blanco (Licenciada en Historia e protagonista nos filmes: Sempre Sonxa e a Lingua das bolboretas, e na serie da TVG Libro de familia)

XORNADAS SOBRE VIÑO E CULTURA GALEGA. Liceo de Ourense

XORNADAS SOBRE VIÑO E CULTURA GALEGA Do 8 de setembro ao 10 de Decembro Liceo de Ourense Organizan: Xavier Castro e Uxía Blanco PROGRAMA As Xornadas sobre Viño e Cultura Galega, que terán lugar na cidade de Ourense, procuran levar a cabo un achegamento á cultura do viño, cunha iniciación á cata (con referencia aos criterios básicos da cata técnica e tamén ós propios da cultura popular do viño) que ao propio tempo constitúa unha experiencia de apreciación e goce do viño. Estas Xornadas, que contan coa colaboración da Consellería de Cultura, Educación e Ordenación Universitaria, a través da Secretaría Xeral de Cultura, teñen unha orientación transversal, que pretende integrar a cultura do viño coa creación literaria, artística e musical galega. En cada sesión degustaranse viños de adegueiros galegos (nomeadamente artesáns, que tamén tomarán parte no acto) que garden relación coa obra (e, por veces, tamén coa vida) dun determinado escritor ou artista. Salientarase o vencello que existe entre ambos, comentaranse os cadros, ou apartados da obra literaria nos que se fai mención ao viño, e mesmo se fará dramatizacións, recitacións de poemas e lecturas de fragmentos en prosa. As explicacións dos condutores do curso, o profesor Xavier Castro e a actriz Uxía Blanco, farán referencia ao escritor ou artista que centre o interese de cada unha das sesións, abordando cuestións relacionadas coa cultura do viño, a temática gastronómica relacionada con ela (nomeadamente, as maridaxes entre o viño e a gastronomía) e estarán entrefrebadas coas intervencións dos participantes (aléntase a participación e son benvidos os comentarios e as preguntas dos alumnos) e con momentos de goce do viño. Haberá, asimesmo, interludios musicais nos que se escoitaran pezas alusivas á cultura do viño (visualizadas nunha pantalla dixital) e que garden algún tipo de vínculo co creador que protagoniza cada sesión, tanto fragmentos de óperas ou obras clásicas, como tamén jazz e música galega tradicional. Cada sesión estará consagrada a un dos seguintes creadores/as: -Maruja Mallo -Rosalía de Castro -Julio Camba -Ramón María del Valle-Inclán -Álvaro Cunqueiro LUGAR DE REALIZACIÓN -Cafeterìa do Liceo de Ourense. Ourense DATAS Xornadas Viño e Cultura Galega - 8 Outubro, Martes: Maruja Mallo - 19 Novembro, Martes: Rosalía Castro - 26 Novembro, Martes: Julio Camba - 3 Decembro, Martes: Ramón María del Valle-Inclán - 10 Decembro, Martes: Álvaro Cunqueiro HORARIO: de 20 a 22 horas. PREZO: 8 euros cada sesión para socios do Liceo, e 10 euros para non socios (con dereito a viños e petiscos). Pódese adquirir a entrada na propia cafetería do Liceo, na que terá lugar o evento, preferentemente nos días precedentes, ou ben media hora antes da celebración da sesión. Para máis información: Enderezo-e: franciscojavier.castro.perez@usc.es / uxiablanco@hotmail.com Móbil: 609 653 228 / 670 573 545 Xavier Castro (Catedrático de E.U. de Hª Contemporánea da USC. Autor de: A rosa do viño (Galaxia), A lume manso (Galaxia), A la sombra ejemplar de los parrales (Trea) e A mesa e manteis (USC) Uxía Blanco (Licenciada en Historia e protagonista nos filmes: Sempre Sonxa e a Lingua das bolboretas, e nas series da TVG: Mareas Vivas e Libro de Familia)

O doutor Fausto Galdo, que foi membro da Real Academia de Medicina e Ciruxía de Galicia, xefe do Servizo de Reumatoloxía do CHUA Coruña, autor da relevante obra gastronómica: 'Abecedario das mantenzas' (Edicións Xerais de Galicia, 2012) calificou deste xeito o labor historiográfico de Xavier Castro “Hoxe é o meirande e máis científíco publicista galego de gastronomía, referencia obrigada da historia da alimentación en Galicia”. El doctor Fausto Galdo, que fue miembro de la Real Academia de Medicina y Cirugía de Galicia, jefe del Servicio de Reumatología del CHUA Coruña, autor de la relevante obra gastronómica: 'Abecedario das mantenzas' (Edicións Xerais de Galicia, 2012) calificou de este modo la labor historiográfica del profesor Xavier Castro: 'Hoy es el mayor y más científíco publicista gallego de gastronomía, referencia obligada de la historia de la alimentación en Galicia'.